如果你係想八卦藝人私隱,對不起,你真係好幼稚,請過返去娛樂版。成件事最應該注意的,是事件的相關人物點樣應對、旁觀者怎樣學習、有意外時如何為自己爭取最大利益,才是成年人的想法。

的士司機

未通知乘客就暗中偷拍,之後重要賣畀報館,如果之前有向藝人勒索,就更加大法律風險!香港啲的士司機仆街就係人都知,我係佢就唔會冒呢啲險囉……

鄭秀文

天后級人馬係四個公眾人物之中佢地位價值最高,又無所謂道德錯誤,所以廢事回應,也不需要回應!坐定定睇你點交待!

許志安

錄影中的男主角,已婚男人有外遇舉動斷正,勝在未有性行為證據。四人中價值尾三,目標當然係止蝕啦。快速出來開記招道歉,是很恰宜的對策,可惜表達時用錯方法(他哭了出來),本座不少朋友覺得反感。我問佢地點解覺得反感,佢地又淨係話覺得好假(虛偽),我再問點解假?佢地就答唔出了……其實錄影所見,一般人都會覺得男女主角的親密關係已有一段時間,只直至近日才遭到記者揭發。如果男主角真的後愎就一早後愎了,在公眾面前哭這一套只會弄巧反拙,用在耶教教會倒是還可以的。放下工作之類的屁話是公式套路,但聽到「思考人生路向」云云我真係笑咗,大佬你做咗成五十年人,早唔去思考而家先嚟思考人生路向?你唔好話去出家修行!不過重點係你思考人生路向同出軌事件九唔搭八的。許氏應該講出佢會補救的做法,先會令人信服。我只可以話許生個公關唔係好得囉,扣人工啦!

馬國明

錄影女主角男友,形像正面,價值僅次鄭秀文。其實佢係完全唔使出嚟講嘢,不過佢一出手就知佢係高手!
一開始輕描淡寫話好快無嘢,又話女方有好多路要行,叫大家畀啲空間佢,自己會專注工作。之後就話只有許志安老婆先有資格評論佢道歉的說話,封晒班八卦撚/西個口。最後一招預先話佢屋企人唔係做呢行,會講錯嘢,咁萬一班仆街記者真係套佢家人講錯嘢都無事啦!我好想知到底呢幾招係馬明自己功力定有高人教路!

黃心穎

錄影女主角。佢唔好彩,多得華人的道德包伏,女人一定係勾引人老公,所以變成價值最低的一位。其實我都唔知呢條女係咪撈呢行,睇佢唔透……

總結

鄭秀文呢啲天后級太屈機唔計,成單嘢其實許志安處理得算係唔錯,不過佢遇到高手馬明只好屈居第二,黃心穎得個IG回覆真係吾不欲觀之矣。

其實人一定會犯錯,對自己人性太有信心的人就更加容易犯錯。預到呢類公眾人物事件,八卦是無益的,做道德判官就更加多事,反而就其互動分析學習,令自己以後做更好的應對先係正路。