麻甩佬打冷,定要來支藍妹才夠浪漫!啤酒姐的仇視一向少理。

話說一晚班友突然異性甩底,一班麻甩佬聚首打冷。酒過三巡雨亭到達,那玩具似的提琴擱在一邊,開始故作豪氣的吃喝。

須叟,一啤酒姐濃妝豔抹頂着個啤酒小肚腩捧生力求售,大佬菲賓單嘢你都未有交待,重要我幫趁?一於照舊藍妹。反觀對面枱幾位阿叔豪爽,一打一打的喝,當然啤酒姐也要落力地吹,吹出個業績來。

可能條女都吹到有點high,竟然過來吹水,玩幾句唔夠玩成塊面哄埋雨亭度又挑逗又玩埋佢粒嘢,重要話佢唔得。我真係有啲火,大佬你話雨亭唔得即係話晒成枱人唔得啫!你副尊容就真係唔係好得喇!同時我又驚雨亭真係除褲晒冷唔知點收科。都係經紀陳老江湖唔理佢,等條女玩雨亭玩到夠就收工……

話說回來啤酒妹呢份工真係女人大敵,成日咁吹有乜計唔成個啤酒肚呢?不過無生意都唔好過來搞事吖頂你!