從事資訊科技行業多年,見識過五花八門的科技人,有一種永遠走在潮流最尖端的,我稱之為「高科技潮童」。

高科技潮童特徵如下︰逢新必玩、逢新必用、逢舊必反、一知半解。

這情況在剛畢業的新鮮人很常見。例如當年做煙腸有位同事,有次吹奏Windows Vista 有 3D 效果,傳教式向我介紹,我笑咗同佢講︰「呢啲我幾年前係Linux玩到唔玩了……」,我見到佢好失望……其實個人層面做下潮童都無所謂,業務層面出現潮童話事人先驚,咩最新乜乜柒柒framework、認屎認屁DB,我明白呢啲buzzwords寫上CV係好有用,但你都做咗人老細/上司啦,工作時可唔可以成熟啲呢?

好多時面對應徵者,有些偏好某種語言/framework,原因不外乎高效能、易組織,細問他們為何高效能、易組織,又說不出箇中原理,其實我唔係問得好深入,這是做呢行的基本修養,我地係做科技,唔係藝術。

唔好低估呢啲高科技潮童。不如實按需求選擇工具,做出來的産品的事後救火工作是可以危害生命的。如果遇上呢啲上司,真係自求多福、小心疏導。萬一咁唔好彩閣下就係呢啲潮童上司,我勸大家一句︰放下屠刀,功德無量呀!下屬會感謝你的。萬一真係潮癮發作,把範圍鎖定在個人的科技用品好了。

看倌見到「高科技」、「潮童」等語,可知筆者年紀唔細,但本人真係諗唔到更貼切的形容詞了。如有請賜招!