近年一位IT前輩,開始於網上發功,盡數香港0CodePM的罪狀,誓要呢班粉皮血債血償。本座身為係業界食咗十幾年閒飯的人,都係時候講兩句。

問題

何謂0CodePM

0CodePM,英文Zero Code Project Manager, 廣東話讀「零曲PM」。IT前輩的定義是專指沒有寫程式能力的軟體開發專案經理。本座有幸做過不同類型的IT專案,所以定義為沒有相關技術能力的IT專案經理。

0CodePM的問題

華人圈有個習慣,就係政治大於一切。有人的地方就有江湖,政治大於一切是正常的,不過比重不能太大。0CodePM就是集大部份權力於一身,外行指導內行,完全忽略技術、資源的限制及細節,導致技術人員經常超時趕工。

0CodePM的流毒

因為呢堆蛋散長期散播「寫Code唔重要」、「做PM唔使識寫Code」的思想,很多新入行的開發者只有一兩年經驗就轉做PM,這種惡性循環就不斷無限輪迴……另一個好現實的就係金錢流向蛋散,真正有務實的人長期缺乏資源,就會萌生去意,一些會轉投一些注重技術的外資公司,另一些直接去外國的公司工作。近年香港的IT Agent如雨後春筍是有原因的……

破0CodePM

公鬥

已經有人把這問題在網上公告天下,勸其他國家不要用香港的0CodePM,封其出國之路。

私鬥

閂門打狗。出唔到國,就只好留係本國食老本,但垃圾永遠都係垃圾,所以只會不斷亂咁指揮,呢個時候技術人員就要企出嚟同佢地鬥過,文鬥武鬥悉隨尊便,最少都要壓低蛋散的氣焰。

自立

程式員的自我修養

老實講我見好多人真係不思進取︰寫開C#用MSSQL竟然話唔識轉過去駁PostgreSQL、寫咗幾年web可以連個framwork的原理都講唔出、話自己好鍾意用node.js連event loop都唔知係咩,真係乜撚嘢騎呢怪都有……唔該大家對本業加多些少好學精神好唔好?

唔好以為一定要用最近的技術,其實Computer Science近十幾廿年都無咩特別突破,所謂的新技術大部份都係扭下屎窟花貪好睇,基本功先實在先襟玩。

放下妄想,擁抱現實

我都知好多行家鍾意睇動漫、睇下AV、打下機,人一定有啲興趣,但大家要明白呢啲興趣對現實生活一啲用都無!勸大家花啲時間研究下點同人溝通、溝下女/仔、點叫老細力人工呢啲實際嘢先。0CodePM可以係女人嚟架,如果唔識溝女點搞掂呢啲西女人呀?

總結

其實本座一出道就觀察到0CodePM的現像,因為牠們明白自己在一間科技公司是最低價值的,出於人性牠們會做很多動作貶低他人來提升自己價值,大家要小心分辨,即場拆穿牠們的西洋鏡就可以了。